Gjatë 5 minutave të para të ditës ne vendosim standartet për ditën në vazhdim. Duke vendosur disa standarte të mira ju do të jeni në gjëndje ta mbyllni ditën tuaj në mënyrë perfekte. Kështu ju do të lini diçka për mbrëmjen dhe do të siguroheni që do ta lini zyrën duke ndjerë se keni arritur diçka. Kështu lexoni se çfarë mund të bëni më shumë, për të mbyllur ditën në mënyrën e duhur.

Mbylleni ditën me diçka pozitive
Bëni diçka pozitive në fund të çdo dite si për shembull dërgojini një shënim pozitiv një klienti apo ndihmoni një koleg i cili duhet të arrijë afatet e tij.

Vlerësoni listën tuaj të gjërave dhe ri-shkruheni atë
Vlerësoni listën tuaj të gjërave duke parë çfarë është bërë dhe çfarë jo. Merrni kohë për të parë se çfarë keni lënë pa bërë për ditën e nesërme dhe krijoni një listë të re që ta keni gati për nesër. Organizimi është çelësi për një ditë produktive.

Rishikoni oraret tuaja
Kontrolloni për të parë se çfarë keni lënë pa bërë për nesër. Keni një mbledhje së shpejti? Keni një orar interviste? Rifreskoni memorjen tuaj kështu do të ndiheni më të përgatitur dhe të organizuar përpara se të ikni nga zyra.

Flisni me punonjësit
Nuk ka mënyrë më të mirë për të mbyllur ditën se sa të flisni me punonjësit. Kjo do t`ju sigurojë që do të mbani një komunikim të mirë me ta dhe çdo gjë do të shkojë mirë mes jush.

Pastroni vendin tuaj
Gjithmonë pastroni tavolinën tuaj përpara se të largoheni. Hiqni filxhanët, rregulloni letrat, vendosni stilolapsat së bashku dhe mblidhni gjërat tuaja. Mendërisht kjo është një mënyrë stimuluese e cila thotë “Dita ime u mbyll”

Largohuni nga puna tërësisht
Largohuni nga puna emocionalisht, fizikisht dhe mendërisht. Fikni telefonin apo të paktën mos hapni emailet. Kjo do ju ndihmojë të largoni veten nga përgjegjësitë dhe të fitoni pak hapësirë nga dita që kaluat.

Qetësohuni
Asnjëherë mos shkoni në shtëpi pas pune, bëni darkën dhe më pas shtrihuni direkt në krevat. Truri ka nevojë të pushojë nga të gjitha ngjarjet e ditës (pavarësisht nëse ishte stresuese apo jo.) Ju duhet të merrni pak kohë për vete, të lexoni një libër apo të shikoni një film. Ju mund të organizoni mbrëmje sociale me miqtë dhe familjen kështu ju do të jeni në një gjendje mendore të lumtur dhe pozitive përpara kohës së gjumit.

Related Posts
Leave a comment

Adresa juaj email s’do të bëhet publike. Fushat e domosdoshme janë shënuar me një *